Pauleen Luna, Sinagot Ang Netizen Tungkol Sa Balita Na Siya Ay Buntis Sa Ikalawang Anak Nila Ni Vic Sotto
Pinabulaanan kamakailan lamang ng TV host-actress na si Pauleen Luna kamakailan lamang ang mga balitang kumakalat na siya ay nagdadalang tao sa ikalawang anak nila ni Bossing Vic Sotto.
Ikinasal sina Vic at Pauleen noong Enero 30, 2016 sa St. James The Great Parish Church sa Alabang. Ito ay matapos ang apat na taon nilang pagiging magkarelasyon. Isinilang naman ni Pauleen ang kanilang firstborn noong Nobyembre 6, 2017 na si Talitha o Tali.
Nitong mga nakalipas na buwan, maraming mga balita ang kumakalt tungkol sa pagdadalang tao umano ng ilang mga celebrities sa Philippine showbiz industry. Isa na nga sa mga celebrity na napabalitang buntis ay si Pauleen.
Ngunit, nitong Martes lamang, Pebrero 9, tinapos na ni Pauleen ang kaniyang katahimikan at nagsalita na tungkol sa isyu na ito.
Sinagot kasi ng aktres ang komento ng isang netizen sa kaniyang Instagram post. Sa nasabing post, ibinahagi ni Pauleen ang ilang larawan ni baby Tali kung saan makikita ito na nagsu-swimming sa swimming pool na hindi na kailangan pang alalayan dahil tila ba sanay na sanay na si baby Tali.
Simpleng caption ni Paueleen,
“My Purpose.”
Sa naturang Instagram post, isang netizen naman ang nag-iwan ng komento kung saan tinatanong nito kung buntis ba muli si Pauleen o nagdadalang tao na siya sa kanilang pangalawang anak ni Pauleen kay Vic.
Sinagot naman ito ng TV host ng “No” na may kasamang smiling face emoji.
Maliban kay Tali, anak din ni Vic sina Danica Sotto-Pingris, Oyo Sotto, Pasig City Mayor Vico Sotto, at Paulina Sotto-Llanes.
Sina Danica at Oyo ay anak ng Eat Bulaga host sa dating asawa na aktres na si Dina Bonnevie. Si Mayor Vico naman ay anak ni Vic sa veteran actress na si Coney Reyes.
Samantala, ang ina naman ni Paulina ay ang dating aktres na si Angela Luz. Si Tali naman ang kaisa isang anak ni Pauleen.
