John Lloyd Cruz, Hindi Napigilang Magsalita Tungkol Sa Relasyon Ni Ellen Adarna At Derek Ramsay
Nitong mga nakaraang linggo, naginig mainit na usapin sa social media ang mga personalidad na sina Ellen Adarna at Derek
Ramsay. Ito ay matapos kumalat sa social media ang mga larawan at videos ng dalawa na magkasama sa iba’t ibang mga trip kung saan mapapansin ang tila pagiging malapit ng dalawa sa isa’t isa.
Sa kanila ngang trip sa Anilao Beach Resort sa Batangas, makikita na kasama ng dalawa ang anak ni Ellen sa dating live in partner na si John Lloyd Cruz na si Elias Modesto. Base sa mga lumabas na video at larawan, makikita na masayang masaya naman ang aktres sa company ni Derek. Ito din ang naging pagkakataon niya para makabonding ang anak na si Elias.
Kasama din nila ang kanilang dalawang kaibigan.
Noong Enero 28, 2021, ibinahagi ni Ellen sa kaniyang Instagram Story ang video kung saan makikita ang bonding nilang dalawa at ng kanilang mga kaibigan sa pool side ng resort na kanilang tinutuluyan.
Nagsimula ang pagiging malapit ng dalawa nang imbitahan ni Derek si Ruffa Gutierrez, John Estrada at Ellen sa kaniyang bahay noong Enero 11, 2021. Napag-alaman kasi ni Derek at Ellen na sila ay nakatira sa parehong street sa isang village sa Ayala, Alabang.
Matapos nito, naging madalas na ang kanilang bonding. Ngunit, hindi naman natuwa si John Lloyd sa mga ibinahaging larawan at video ni Ellen sa kaniyang Instagram account. Makikita kasi doon ang tila pagkakamabutihan ni Derek at ng anak niyang si Elias.
Kaya naman hindi napigilan na magsalita ni John Lloyd sa relasyon ni Ellen at Derek. Ayon sa aktor, bakit pa isinama ng dalawa ang kaniyang anak sa gimik nila sa Batangas. Dagdag pa niya, tila ba inaagaw na ni Derek ang atensyon ng bata sa pagiging ama niya.
Saad pa ng aktor, wala naman daw problema sa kaniya kung sino ang makakasama ni Ellen sa mga lakad nito. Ang sa kaniya lang ay huwag na sana nitong isama ang kaniyang anak. Dagdag pa niya, sa susunod na makikita na isasama nila si Elias ay hindi niya na ito papalampasin.
